Ka Hoku o ka Pakipika, Volume II, Number 1, 10 October 1862 — Kanikau no ka mea minamina ka Haku o Hawaii. [ARTICLE]

Kanikau no ka mea minamina ka Haku o Hawaii.

[Leo Mele—Lily Bell. 1 Kanikau la he aloha, No ka pua mamo laha ole, Ua hoi i ke ao uli, Me ka Makua mana loa, Iolani ka mea aloha, I ka lilo ana o ka lei Kalaunu o ke Aupuni, Pua kamahao o ka Aina, CHORUS.—Eia la he aloha, Pau ole nou e Kalani, E Kaleiopapa, Haku Nui o Hawaii. 2 Helu mai e Emalani, Kuu kama ua nalo aku, Paumako a ke kaumaha, Ke aloha o ke keiki, Kuu hoa pili o ke anu, E ka uka o Nuuanu, Waiho ko kino wailua, I kahale malu laau, CHORUS.—Eia la he aloha, Pau ole nou Kalani, E Kaleiopapa, Haku Nui o Hawaii. 3 Uwe mai e ka lehulehu, Na makaainana a pau, Mai Hawaii a hiki I ka palena o Niihau, He u la he minamina, Ia oe la e Kalani, Kamakahi i hele aku nei, I ke ala hoi ole mai, CHORUS.—Eia la he aloha, Pau ole nou e Kalani, E Kaleiopapa, Haku Nui o Hawaii. C. F. P. Honolulu, Okakopa 9, 1862.