Ka Leo o ka Lahui, Volume II, Number 508, 27 July 1892 — Page 2

Page PDF (1.03 MB)
This text was transcribed by:  Na limahana a pau o ka ?Aha Punana Leo, ko Ka Haka
This work is dedicated to:  ?Anake Lolena Nicholas

KA LEO O KA LAHUI.

"E Mau ke Ea o ka Aina i ka Pono."

 

Ma Ke Kauoha

 

Olelo Hooko Moraki

           

            I kulike ai me ko kahi mana kuai i hoike ia maloko o kekahi palapala moraki i hana ia mawaena o  Chas. B. Wilson a me Evaline M. Wilson, kana wahine mare, o ka aoao mua, a me James F. Morgan, et al, o ka aoao elua, ma ka la 16 o Maraki,

1888, i kakau kope ia ma ka buke 109, aoao 361 a i hooliloia ia Henry Smith, Mea Malama Waiwai, e na mea moraki, ma kekahi palapala i hanaia i ka la 18 o Aperila, 1889, a i kakau kope ia ma ka buke 111, aoao 414 a me 415.  No laila, ke hoolaha ia aku nei e ka mea nona ka aoao elua o ua moraki nei, e hooko ana oia ia maua kuai no ka hahaki ia o na olelo, penei: uku ole ana i ka uku panee a

me ke kumu paa.

           

            A ke hoolaha hou ia aku nei, aia mahope aku o na pule ekolu mai keia la aku, a laila, e hoolana ia aku na aina i hoike ia ma ia moraki no ke kudala ana, ma ke keena kudala o Jas. F. Morgan ma Honolulu, ma ka Poaono la 6 o Augate 1892, hora 12 o ia la.

           

            Aia ma kahi o C.W. Ashford, loio no ka hope oka mea moraki mai, na olelo hoakaka noo keia mea. 

           

            Hana ia i keia la 8 o Julai, 1892.

  

                                             HENRY SMITH

                                               Mea Malama Waiwai

 

            O ka waiwai i paa malalo o ua moraki la, oia no ka pahale o na mea             moraki aku, e waiho ia ma ke kihi Hikina o Alanui Piikoi a me Young, Kulaokahua, Honolulu, Oahu, i hoakaka pono ia me keia iho.  E hoomaka ana ma ke kihi aoao mauka o Alanui Young a me Piikoi, a e holo hikina ana ma Alanui Young 219.8 kapuai, alaila aku e holoakau ana he 150 kapuai, olalo aku e holo komohana ana ke Alanui Piikoi he 210.9 kapuai, a malaila aku e holo hema ana ma Alanui Piikoi 150.3 kapuai, a kahi i hoomaka ai , nona ka iliaina he 831-100 o ka eka. 

  

      june1 Idly tf

 

KA LEO O KA LAHUI.

 

JNO E. BUSH.

 

Lunahooponopono a me Puuku.

 

POAKOLU, IULAI 27. 1892.

 

Na Manao Wehewehe ku i ka Oiaio a me ka Pololei.

 

(Hoomauia)

            E ka Lunahoomalu, ua maopopo loa ia makou na poe hoa Hawaii a pau loa o keia Hale Ahaolelo, he pono ole ka ae ana aku i keia manao koi ikaika ana mai, a na hoa haole, e waiho no ma ka puuhuikau na dala o ka oihana makai. Ua pau ko makou wa naaupo, a eia makou iloko o ke au hou o ka malamalama: a he mea hoohilahila i ka poe i hoonaauaoia, a i manaoia, ua loaa mua ia lakou keia naauao, ke koi mai ia makou na poe i hoomaka hou ae ka naauao e umi a e kaomi iho i keia ike a me keia malamalama i loaa ia makou no ka pono o na lawelawe ana i na hana o ko kakou aina.

 

            E ka Lunahoomalu; ma ke Kanawai o ka A.D. 1890 ma ka Bila Haawina, ua hookomoia he $4,000 ka uku o ka Mea Hoopii o ka Ahahoomalu o Honolulu, aka, e ka Lunahooomalu, eia ke ike nei au ma kela pepa hoike a ka Loio Kuhina i waiho mai ai; ua ukuia i ua Mea Hoopii la o ka Aha Hoomalu o Honolulu, he $200 o ka malama, oia hoi he $4,800, no elua makahiki.

            Heaha ke kumu o keia hana haihai kanawai o ka Loio Kuhina a ae oia e kikooia ka uku o kela mea Hoopii, i loko o ka uku o na makai? Hookahi no kumu, oia no ka hoahu puu-nui ia ana o na dala uku o na makai, a nolaila, ua haaleleia ka $4,000, no kona uuku, a ua komo aku na lima iloko o ke ahua nui a lawe ae la i ka $4,800!

            Pela no hoi, e ka Lunahoomalu ua ike hou kakou, ua komo aku la he ekolu mau haole makai kiu auwana mai Honolulu aku nei, a ohi hapuku i na puu pa $125, $125 a me $100, iloko o ka puu dala haawina o na Makai o Hawaii.

            No ke aha kela hana ana pela, aole anei no keia hoomauia ana o ka haawi puu nui ia ? Oia ke kumu.

            Ma keia wa, ua ku mai la o Hon. W.O. Smith a pane i ka Luna o Hilo Hema: "Aole anei o oe kekahi i ke kau o ka A.D. 1884 ma ia kau i hoomakaia ai ka okioki ana i na uku o na makai, a mahope mai i ke kau o ka A.D. 1886 i ke Au o Kipikona ua hoopauia ia ia ano hana?" Pane ka Luna o Hilo Hema:

 

            Aole anei no ke ino oia mau hana a Kipikona ke kumu i ala mai ai oukou e hookahuli i ke Aupuni i ka A.D. 1887? Alaila, ke makemake  hou nei anei oukou e hoi hou aku ia mau hana ino?

 

(Mumule loa ka Luna o Koloa)

 

            Ke manao nei makou na poe Hawaii ua lawa ko makou ike no ia mau hana ino, a ke makemake nei makou, e hana imua o ka malamalama.

 

            E ka Lunahoomalu, ua olelo iho nei ke Lii Balauwina, a pela no me na Lii Mahiko e noho mai la ma kela aoao, mai Hawaii mai, he mea pono ana o na uku e like ko na Mahiko a lakou, oia hoi ka makou e ake aku nei e hoohalike, aka aole oukou ae iki mai e hana e like me ka oukou hana ana ma na Mahiko: No ke aha keia hoole ana mau? Kupanaha no!

 

            Ma na Mahiko, ua hoakaka la ka uku o ka Luna Nui, a kaawale kona uku: pela ko  ua luna malalo iho ona, kaawale no ko lakou uku, pela no hoi ka uku o na kanaka paahana, ua kakauia ko lakou mau uku pakahi maloko o ko lakou mau palapala aelike, a ua ike ia na uku  a pau. me ka maopopo loa , aole pohihihi, aole no i waiho puu nui ia; o keia ka oukou e olelo mai nei he hana naauao loa ia, a ke hooia aku nei makou, ua pololei ia hana ana; a o ka makou na poe hea Hawaii e haohao loa nei heaha la ke kumu o keia hoole ana mai o oukou e na hoa haole ika makou e noi nei e okiokiia ka uku o na makai e like me ko na Mahiko a oukou? (noho mau loa lakou)

 

            E ka Lunahoomalu, malia paha e lilo aku ana o ka Luna Hanohano ka Apana o Koloa mai ka Loio Kuhina hou o kakou (I keia wa, Ua helei mai la oia i kona maka me kona manamanalima Pane ae la ka Luna o Hilo Hema; Aole ka oia e lilo ana i Loio Kuhina, No ka mea , he helei mai la oia i kona maka.

 

@@@(Paragraphs not finished)

 

Oiai no oia e haiolelo ana, ua pane iho la oia i kona mau hoa Hawaii; Pehea kakou, e ae anei oukou e okiokiia ka uku o na makai? Hooho lokahi na hoa Hawaii; Oia ko makou makemake! Okioki a hiki ilalo!

 

Hoomau aku la no ka Luna o Hilo Hema i ka olelo: E ka Luna hoomalu; e ninau aku ana au i kou hanohano, a e oluolu oe e pane mai, Pehea, he mea pono anei o ka makai maluna ae o ke Kapena makai? (Pane ka Lunahoomalu) Aole;

 

Pehea, he mea pono paha o ka Malamamoku maluna iho o ke Kapena moku? - (Pane ka Lunahoomalu) Aole: - He pono paha o kahi koa maluna mai o ka Luanela? Aole!-0 Aka, e ka Lunahoomalu; pela ka makou e nana nei ma keia pepa hoike a ka Loia Kuhina i waiho mai ai; (Hopu ka Luna o Hilo Hema i ka Hoike) Heluhelu ae la oia, penei: -

 

He nui na mea a ʻ u i mano ai e ka Lunahoomalu e olelo aku  ai no keia haawina uku o na maikai, aka oiai ua pau aela ka hora 4 a he nui na mano i koe o na hoa e makemake ana e kamailio; e noi aku ana au e hoopau i ke komite o ka Hale, kokua ia; a hoopau ia ke komite.

 

KAU AHAOLELO O 1892

 

LA HANA 48

Poakahi, Iulai 25

Halawai ka hale e like me ka mau.

Na Palapala Hoopii

Iosepa, 1. I haawina no ka hana ana i uwapo maluna o ka muliwai o Hana. komite o na hana hou.

2. I lawe leta mai hana a Kipahulu. Komite Waiwai.

 

Bipikane. 1. I haawina no ke alanui mai Punahou a Waialae, Komite o na hana hou. 2. E hoopauia ke kanawai e hoomana ana i ka Lunakanawai Kiekie e koho i mau luna hooponopono waiwaino ka waiwai o ka poe i make, komite hookolokolo.

 

Kanealii. 1.  Ikula olelo Enelani no Waiehu. 2. E weheia i alanui mai Wailuku a Waiehu. 3. E pana ona mahiko i ko lakou mahiko a paa i ka pa. 4. E hoopauia ke kanawai e pili ana i ke kuai ana i ka bipi me ka puaa paakai. 5. E hookuu laula ia ka puka o na lanui aupuni. 6. E loaa i ka poe e noho ana maluna o na aina aupuni, i kula hanai holoholona ma ia wahi, hawaiia  i ke komite o na hoopii huikau. 7. Aole e noonoo ia kekahi mea e pili ana i ka hoopau ana ia Mr. W. H. Tell o Molokai, komite malama ola. 8. O Mr. R. W. Meyer ke hoopauia no na olelo pono ole imua o ka poe mai, komite malama ola.

 

A. Hona, 1. I haawina no ka hana hou ana i ke alanui e kokoke ana i ka uwapo o Ookala, komite o na hana hou: 2, e hoopau ia ke dute maluna o ka raiki, haawina i ke komite raiki.

 

Kapahu, i haawina no ka hoonoho ana i kauka Aupuni no ka apana o Kau, Hawaii, Komite Malama Ola

1. Pua, e hania; kanawai e pii ana i ka poe uku ola i ka uku kaa. Komite Hookolokolo.

 

Keoni Ina, i haaioina no ka hoolako ana ia apana me na paipu-wai. Komite o na Hana Hou waipuilani, e uku ia kekahi poe o Kau, Hawaii no ka hana ana i ke alanui Aupuni ma ia apana. Komite wae o elima lala.

 

Hoike ana Komite Kumau

Wiliama, ua pau ka bila 28 i ke paiia.

 

Alii Wilikoki no ka bila 62, waihoia me ka bila.

 

Pela no me ka bila 85 a me ke 82. Waihoia ma ka papa.

 

Ua hoike pu mai no hoi ke Komite Hoonaauao i kana hoike no ka Olelo @ka papa a noonoo me ka @.

 

Kakina, no ka palapala @ 120. Waihoia ma ka papa elike me ka hoike a ke komite.

 

Hoike hou mai no oia: 1. No ka olelo hooholo 103; 2. Na hoopii a Hapuku me Ilae.  3. Palapala hoopii 181. 4. Palapala hoopii a F. G Hobron. Hawaiia i ke Kuhina Kalaiaaina elike me ka hoike a ke komite.

 

Hoike a na Moite Wae

 

Alii Iana, no ka bila 84. Waihoia ma ka papa e like me ka hoike a ke komite.

 

Na Olelo Hooholo

Kamika: 1. He kanawai e pili ana i ka nui o na laikini kuai waiona, a e hooponopono ana hoi i ke ana o ka lakou hoopuka ia ana. 2. He kanaka e pili ana i ka luku ana i manu pihaekelo.

 

Wiliama, he kanawai e pili ana i ka hoolana ana i ka holoholona Monoguse ma Oahu.

 

Na Hana o ka La

 

Kakauolelo, i ka pane aka Loio Kuhina no na ninau a Kapahu o ka la 14 o Iulai. Haawia ia i ke Komite Wae.

 

Kamauoha ma ka noho Luna hoomalu, no ka noonoo ana i ka

Bile Haawina.

 

Uku Makai o Hawaii $36,000

 

Lilo na hoa i ka hoopaapaa a hiki i ka hoomaha ana i ke awakea.

 

Auina La

Akoakoa hou na hoa

 

Hoomauia ka noonoo ana i ka hunahuna o na makai o Hawaii.

 

Hoopaapaa hou ka hale iloko o na kaliolelo hhana ana, a hiki wale i ka haalele na o ke komite i kona noho ma ke noi me ka maopopo ole o ka hopena o kela itamu e pili ana i na maikai o Hawii.

 

Mahope o ka heluhelu ana o ke Komite o ka Hale i kana hoike. Aponoia. O na itamu i koe malo o ka Loio Kuhina a me ka Papa Honaauao, ua hoopanee iki ia a hiki i ka manwa a ke Komite Waiwai e waiho mai ai i kana hoike piha.

 

Hoonaee ka Hale.

 

NU HOU KULOKO

AHA OLELO KO KEI LA, HORA 10

 

UA LILO I KE KUAI IA KEIA LIO HOLOPEKI JOHNNY HAYWOOD IA KAPENA CLUNEY, NO @375 I KA PAKAHI IHO NEI.

 

Ma waena o na ohua e haalele mai ana i keia wawa no Amerika Huipuia, o Rev. Alex Mackintosh kekahi a me kana wahine, ke kumu luna o ke kula alii o Kanehuna no ke kii ana i na keiki e noho mai la i Potalana, Oregeno, no ka hoi ana mai i Honolulu nei ma ka hapa hope o kela @ ae.